Алматы облысында жер сілкінді

Алматы облысында магнитудасы 3,4 болатын жер сілкінісі тіркелді деп хабарлайды Tengrinews.kz Қазақ ұлттық деректер орталығының мәліметі бойынша.Жерасты дүмпулері бүгін Астана уақыты бойынша сағат 12.16-да Талдықорған қаласынан солтүстік-шығысқа қарай 166 шақырымда тіркелген. Оның энергетикалық класы - 7,6-ға тең. Жер сілкінісінің тұрғындар мен нысандарға әсері болмаған, зардап шеккендер жоқ. Tengrinews.kz 16 қаңтар күні Шығыс Қазақстан облысында жер сілкінгенін еске салады. Магнитудасы 4,1 болатын жер сілкінісінің эпицентрі Алматыдан 227 шақырымда, бір шақырым тереңдіктен анықталды. Зілзала ошағы Кеген елді мекенінен 55 шақырым алыста болған.