Алматы орталығында алапат өрт шықты

30 тамызда кешкі уақытта Алматының Шевченко көшесінде (Розыбакиев көшесімен қиылысқан ауданда) алапат өрт шықты, - деп хабарлайды Tengrinews.kz тілшісі қалалық ТЖД өкілдеріне сілтеме жасап. 

Өрт туралы хабар сағат 19:04-те түскен, бірнеше минут өткенде оқиға орнына өрт сөндірушілер жеткен. 

"Өрт сөндірушілер келген уақытта жағдай мынадай болған: көлікжайлар ашық түрде өртеніп жатты. Өрттің басқа да ғимараттарға көшу қауіпі болды. 20:17-де өрт ауыздықталып, 20:33-те толығымен сөндірілді. Қатты ыстықтан BМW маркалы көліктіңалдыңғы терезесі, капоты мен төбесі бүлінген. Өрт аумағы - 100 шаршы метр. Өрт сөндіруге жеке құрамның 27 адамы мен 7 арнайы техника жұмылдырылды", - делінген ведомство хабарламасында.