Алматы орталығында көпқабатты үй өртеніп жатыр

Алматыда көпқабатты үйдің шатыры өртеніп жатыр, - деп хабарлайды СТВ телеарнасындағы "Территория происшествий" бағдарламасының тілшісі.

Тұрғын үй Жароков көшесінің бойында, Құрманғазы мен Шевченко көшелерінің арасында орналасқан. Оқиға орнына барлық шұғыл қызметтің күші жұмылдырылды. Алдын ала мәлімет бойынша, тілсіз жау 50 шаршы метр жерді шарпыды. Бес қабатты үйдің тұрғындары эвакуацияланды.

Еске сала кетейік, таяуда Аматыдағы орталық базар маңындағы көпқабатты үй өртенген болатын. Ол кезде тілсіз жау 1000 шаршы метрді шарпыды. Өрттің салдарынан ешкім зардап шеккен жоқ.