Алматыда 39 жастағы әйел 7-қабаттың балконынан секіріп кетті

Алматыда 39 жастағы әйел 7-қабаттың балконынан секіріп кетті, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

ІІД мәліметінше, анасы қызының жоғалып кеткені жайлы хабарлаған. Бұл дерек Алмалы ауданының ІІБ-не тіркеліп, бірден іздестіру жұмыстары жүргізілген.

"Бірнеше сағаттан соң Брусиловский көшесінде орналасқан көпқабатты үйлердің бірінің ауласынан әйел адамның денесі табылған. Денесінде зорлы белгілері жоқ. Видеобақылау камераларындағы кадрларға қарағанда әйел үйдің кіреберісіне кіріп, лифтке отырған. Кейін 7-қабаттың балконынан секіріп кеткен", - деп хабарлады ІІД баспасөз қызметі.

Сонымен қатар, полициядағылар бұл деректің Алмалы аудандық ІІБ сотқа дейінгі бірыңғай тергеу реестріне тіркелгенін хабарлады. Сот-медициналық сараптама тағайындалды. Оқиғаның басқа мән-жайы анықталып жатыр.

© Әлеуметтік желілерден алынған сурет