Алматыда Audi жүргізушісі ер адамды қағып, мерт қылды

Алматыда Audi жүргізушісі Солтүстік айналма жолда ер адамды қағып, мерт қылды, - деп хабарлайды "СТВ" телеарнасындағы "Территория происшествий" бағдарламасының тілшісі.

Audi жүргізушісі Солтүстік айналма жолында солтүстік бағытта кетіп бара жатқан. Куәгерлердің айтуынша, "Сәлем" сауда орталығының тұсында жүргізуші өтуге рұқсат етілмеген жерден өтіп бара жатқан ер адамды қағып кеткен.

Жол-көлік оқиғасы салдарынан жас шамасы 25-тегі жігіт алған жарақатынан оқиға орнында қаза тапты. Полиция оқиғаның мән-жайын анықтайтын болады.

© "Территория происшествий" бағдарламасы