Алматыда Әуезов театрының маңында 40 адам ұсталды

Алматыда Мұхтар Әуезов атындағы драма театры маңында жаппай төбелеске жол берілмеді, - деп хабарлайды Tengrinews.kz тілшісі.

Алматы қаласы ішкі істер департаментінің ресми өкілі Салтанат Әзірбектің хабарлауынша, жаппай төбелесуге жиналғандар футбол жанкүйерлері болуы мүмкін. Олардың  бүгін, 28 қыркүйек күні сағат 18.00-де Орталық стадионда өтетін "Қайрат" және "Ақтөбе" командалары арасындағы матчқа келуі ықтимал. 

Назар аударыңыз! Видеода былапыт сөздер бар. 

"Жол-патруль полициясы қызметкерлері жаппай төбелестің жолын кесті. Әуезов атындағы театрдың жанына 40-қа жуық адам жиналған, жағдайды одан әрі анықтау үшін олардың бәрі аудандық ішкі істер басқармасына жеткізілді", - деді Әзірбек. 

Оқиғаның мән-жайы кейінірек хабарланатын болады.