Алматыда автобус кондукторы жүк көлігінің жүргізушісімен төбелесті

Алматыда автобус кондукторы жүк көлігінің жүргізушісімен төбелесті, - деп хабарлайды Tengrinews TV. 

Видеоны YouTube ресурсына Roman Samarskiy деген қолданушы жүктеді. Видеожазбаның сипаттамасында ол оқиғаның 2 тамызда шамамен 16.00-де Рысқұлов даңғылының Петров көшесімен қиылысында болғанын жазды. Видеодан 303 бағытындағы автобустың ашулы кондкуторының жүк көлігіне барып, жүргізушісін ұрғысы келгенін көруге болады. Бұдан кейін ол аяғымен жүк көлігінің айнасын сындырып, автобусқа оралады. 

Ролик авторының айтуынша, бұл дау жүк көлігінің жүргізушісінің қоғамдық көліктің алдын кесіп өткендіктен шыққан. Бұдан кейін автобус жүк көлігінің алдын кескен.