Алматыда автобус үш автомобильді соғып өтті

Алматыда жолаушылар автобусы тұраққа қойылған үш автомобильді соғып өтті, - деп хабарлайды Tengrinews.kz тілшісі.

Жол-көлік оқиғасы Достық даңғылында "Ресей" дүкенінің маңында болды. Жол апатынан зардап шеккендер бар. Оқиға орнында полицейлер, жедел жәрдем қызметінің 4 бригадасы жұмыс істеп жатыр. Алдын ала мәлімет бойынша, 141 номерлі автобус Абай көшесінде келе жатып, тежегіші істен шыққан. Күшті соққыдан автобус ішіндегі адамдар ұстайтын сүйеніш құрылғысы сынып кетті.