Алматыда автокөлік букмекер кеңсесіне соғылды

Алматыда BMW автокөлігі ғимаратқа соғылып, жанып кетті, - деп хабарлайды СТВ телеарнасындағы "Территория происшествий" бағдарламасының тілшісі. Оқиға бүгін, 18 наурызда сағат 06.00 шамасында болды.

Бағдарлама тілшісінің мәліметінше, Ақан сері көшесімен батысқа қарай бет алған автокөлік жол беруді ескертетін белгіге қарамастан, Сейфуллин даңғылынан көше қиылысына қарай өте шыққан. Сөйтіп, рульге ие бола алмаған жүргізуші букмекерлік кеңсенің ғимаратына соғылды. 

Букмекерлік кеңсеге соғылған көлік өртене бастады. Ал оның жүргізушісі жанып жатқан көліктен шығып үлгеріп қана қоймай, оқиға орнынан қашып та кетті.

Айта кетейік, жол-көлік оқиғасы салдарынан шыққан өртті ауыздықтауға өртке қарсы қызметтің бір жасағы келді, ал жол-көлік оқиғасы болған жерден бой тасалаған жүргізуші туралы әзірше ешқандай мәлімет жоқ.