Алматыда бір көшені ыстық су басты

Алматы көшелерінің бірін жылу жолынан аққан ыстық су басып тастады, - деп хабарлайды Tengrinews.kz тілшісі. 

Портал оқырмандары редакцияның WhatsApp нөміріне оқиға орнынан фото мен видеолар жіберді. Олардың айтуынша, төтенше жағдай Бөкейханов көшесінде болған.

"Көпір астында жылу жолы құбыры жарылған. Көшені ыстық су басты", - дейді олар. 

Видео кадрларынан су басқан жолмен машиналардың өтіп жатқанын көруге болады. Кейбірі су астына кіріп, қозғалысты жалғастыра алмаған. 

Бейресми мәлімет бойынша, ыстық судан зардап шеккендер бар.