Алматыда бірнеше көліктің қатысуымен ірі жол апаты болды

Алматы қаласында бірнеше көлік соқтығысып қалды, - деп хабарлайды СТВ телеарнасындағы "Территория происшествий" бағдарламасының тілшісі.

Жол-көлік оқиғасы Байтұрсынов пен Қарасай батыр көшелерінің қиылысында болды. Жол апатының мән-жайы белгісіз, оқиға орнында төңкерілген бірнеше көлік жатыр, олардың кейбірі жиырылып қалған. Сонымен қатар, жол апатына Байтұрсынов көшесінің бойымен жүріп бара жатқан трамвай да ұшырады. Жол жабылған. Оқиғаның куәгерлері зардап шеккендерге көмектесіп жатыр. 

Әзірше зардап шеккендер жайлы мәлімет жоқ, оқиға орнына жедел жәрдем әзірше келмеді. Куәгерлердің айтуынша, жол апатының орнында жанармай төгілген.