Алматыда BMW көлігін жүргізген қыз ірі жол апатына ұшырады

Алматының Жетісу ауданында жүргізуші ірі жол апатына ұшырады, - деп хабарлайды "СТВ" телеарнасындағы "Территория происшествий" бағдарламасының тілшісі.

 Жол-көлік оқиғасы 30 қаңтарда Жұбанов пен Момышұлы көшелерінің қилысында болған. Куәгерлердің айтуынша, BMW солтүстікке қарай бет алған. Жүргізуші тізгінге ие бола алмай қалып, үш ағашты құлатып, жол шетіндегі жеті қоршауды бұзған. Осыдан кейін көлік бір жанына аударылып қалған. Оқиға орнынан түсірілген суреттерге қарап, көліктің қайта қалпына келтірілуі екіталай екенін көруге болады. 

Жеңіл көліктің жүргізушісі, қыз бала ауыр халде ауруханаға жеткізілген. Жол-көлік оқиғасының басқа да мән-жайлары анықталып жатыр.