Алматыда BMW жоғары жылдамдықпен бағанаға соғылды: Бір адам қаза тауып, екеуі жарақат алды

Дүйсенбіге қараған түні Алматыдағы Рысқұлов даңғылы мен Момышұлы көшесінің қилысында жол-көлік оқиғасы болды, - деп хабарлайды СТВ арнасындағы "Территория происшествий" бағдарламасының тілшісі.

Момышұлы көшесінің бойымен оңтүстікке қарай жоғары жылдамдықпен кетіп бара жатқан BMW автомобилінің жүргізушісі көлікті басқара алмай қалып, бағанаға соқтығысқан. Жол апатының салдарынан үш адам зардап шекті. Олар дереу ауруханаға жеткізілген болатын, дегенмен біреуі кейін қайтыс болды. Куәгерлердің айтуынша, жарақат алғандардың бірінің құлағы жұлынып кеткен.

Айта кетейік, автомобиль бағанаға соғылғаннан кейін өртеніп кеткен. Көлікті қайта қалпына келтіру мүмкін болмай қалды.

Оқиға болған жерде ТЖД қызметкерлері жұмыс істеп жатыр. Оқиғаның мән-жайын қалалық жол полициясының қызметкерлері анықтайды.

© "Территория происшествий"