Алматыда BMW жүргізушісі бағананы қиратып, қабырғаны соқты

Алматыда BMW жүргізушісі бағананы қиратып, қабырғаға соқтығысты, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол апаты әл-Фараби даңғылының бойында болды. BMW жүргізушісінің айтуынша, ол даңғыл бойымен шығыс бағытта кетіп бара жатып, ортаңғы жолақтан шеткіге ауысайын деп ойлаған. Осы кезде ол маневр жасаймын дегенде қатты жылдамдықпен келе жатқан мотоциклді көрген. Оның айтуынша, соқтығысудан қашамын деп, ол дереу оңға бұрып жіберген, алайда басқаруды игере алмай қалған. 

Автокөлік жолдың шетіне шығып кетіп, бірінші бағананы қиратып, артынша қабырғаға соқтығысқан. Жол-көлік оқиғасы салдарынан BMW жүргізушісі зардап шекті. Ол ауруханаға жеткізілді.

"Территория происшествий" бағдарламасы