Алматыда BMW жүргізушісі зейнеткерді қағып кетті

Алматыда зейнеткерді көлік қағып кетті, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол-көлік оқиғасы Томирис ықшамауданында болған. Куәгерлердің айтуынша, BMW маркалы автокөліктің жүргізушісі қатты жылдамдықпен Дачная көшесінің бойымен оңтүстік бағытта кетіп бара жатқан. Осы кезде әйел адам жолдан кесіп өтпекші болған. Жүргізуші әрекет жасап үлгермей, жаяу жүргіншіні қағып кеткен. 

Жарақат салдарынан 1952 жылғы әйел оқиға орнында қайтыс болды. Қалалық полиция өкілдері оқиғаның мән-жайын анықтап жатыр. 

Суреттер "Территория происшествий" бағдарламасынан