Алматыда көлік аударылып, екі ересек адам мен сәби зардап шекті

Алматыдағы Нижняя Пятилетка аумағында көлік аударылып, екі ересек адам мен сәби зардап шекті, - деп хабарлайды СТВ телеарнасындағы "Территория происшествий" бағдарламасының тілшісі.

Toyota микроавтобусы Бесембаев көшесімен оңтүстік бағытта келе жатқан. Лермонтов көшесімен қиылысқан жерде ол Volkswagen көлігімен соғысып қалған.

Алған соққыдан Toyota бағанаға қарай ұшып кетіп, аударылып кеткен. Ішінде отырған екі ересек адам мен сәби түрлі жарақаттарымен ауруханаға жеткізілді.

Абырой болғанда Volkswagen жолаушылары зардап шеккен жоқ. Полиция оқиғаның мән-жайын анықтап жатыр.