Алматыда КТК телеарнасының операторы із-түссіз жоғалып кетті

Мөлдір Қалықова

Алматыда КТК телеарнасының операторы Олжас Белгібаев із-түссіз жоғалып кетті. Бұл туралы Tengrinews.kz тілшісіне жоғалған ер адамның әкесі хабарлады.

Жақындарының мәліметінше, Олжас Белгібаев осымен бесінші тәулік іздестіріліп жатыр. Сенбі күні киноға кеткеннен сол күйі оралмаған. Досының айтуынша, Олжастың телефоны сөндірулі. Интернетке соңғы рет сенбіден жексенбіге қараған түні кірген.

Олжас Белгібаевтің әкесі полицияға арыз қалдырғанын айтады.

Ал әріптестерінің айтуынша, әлеуметтік желілерде хабарламалар жарияланып, іздестіру жұмыстарына еріктілер көмектесіп жатыр.

Телеарна БАҚ Алматы Іздестіру

Автор сұрағы

Жолдау

Пікірлер редакция тарапынан модерациядан өтеді

Пікірлерді оқу