Алматыда Lexus автомобилі бағдаршамды қиратты

Алматыда Lexus автомобилі бағдаршамды қиратты, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол-көлік оқиғасы Абай даңғылы мен Наурызбай көшесінің қиылысында болған. Куәгерлердің айтуынша, Lexus маркалы автомобильдің жүргізушісі ортаңғы жолақпен Абай даңғылының бойымен шығыс бағытта кетіп бара жатқан. Алдында келе жатқан көлік дереу тоқтап қалған сәтте жүргізуші айналып өтпекші болып жылдамдықты асырған. Осы кезде тізгінге ие бола алмаған жүргізуші бағдаршамды және металдан жасалған екі бағанды құлатып, ағаш пен қоршаудың ортасында тұрып қалған. Жол-көлік оқиғасының салдарынан зардап шеккендер жоқ.

© "Территория происшествий" бағдарламасы