Алматыда медициналық университеттің студенті жоғалып кетті

Санжарбек Арзиев

Алматыда Асфендияров атындағы ҚазҰМУ-дің студенті Санжарбек Арзиев жоғалып кетті, - деп хабарлайды Tengrinews.kz тілшісі.

23 жастағы жігіт 30 сәуірге қараған түні жоғалып кеткен. Санжарбектің досының айтуынша, соңғы рет студентті таныстары Манас пен Шевченко көшелерінің қиылысында таңғы сағат 4 шамасында көрген. Дене бітімі орташа келген жігіттің үстінде қара күртке мен қоңыр түсті шалбары болған.

Қазір жігітті 40-қа жуық адам іздестіріп жатыр. Еріктілердің айтуынша, Санжарбекті Есентай өзенінің бойынан құтқарушылар да іздеп жатыр.