Алматыда қоймада алапат өрт шықты

Алматыда өрт сөндірушліре алапат өртті сөндірді, - деп хабарлайды Tengrinews.kz тілшісі қалалық ТЖД ресми өкілі Сандуғаш Баймұхамбетоваға сілтеме жасап. 

Осыған дейін, Бекмаханов көшесіндегі ангар типтес қойманың өртенгені жайлы хабарланған еді. "Бірінші өрт сөндірушілер оқиға орнына 20:03-те келген. Өрт сөндірушілер келген уақытта ангар толықтай өртке оранған. Өрт сөндіру кезінде үш газ балоны қауіпсіз жерге көшірілді. Өрт сөндіруге "Алматы су" және "Алматы Тазалық" мекемелерінің көліктеру тартылды", - деді Баймұхамбетова. 

Өрт сөндіруші мамандары өрттің көрші ангарларға көшуіне жол бермеді. Өрт 20:30-да ауыздықталып, 20:54-те толығымен сөндірілді. Өрт аумағы - 280 шаршы метр. Қаза тапқандар мен зардап шеккендер жоқ.