Алматыда Toyota жүргізушісі мүгедектер арбасындағы адамды қағып кетті

Алматыда Toyota Camry Gracia жүргізушісі мүгедектер арбасындағы адамды қағып кетті, - деп хабарлайды СТВ арнасындағы "Территория происшествий" бағдарламасының тілшісі.

Оқиға кеше Астана уақыты бойынша 23.00 шамасында болған. Бұқтырма көшесінің бойымен әуежайға кетіп бара жатқан Toyota Camry Gracia Құлжа тас жолы мен Рысқұлов даңғылының ортасында дәл сол бағытта мүгедектер арбасымен жолда кетіп бара жатқан адамды басып кетті.

Телеарнаның мәліметінше, жүргізуші жарықтың болмауынан жолдағы адамды көрмей қалған. Салдарынан мүгедектер арбасындағы ер адам сол жерде қаза тапты.

© "Территория происшествий"