Алматыда ұрланған мопедпен екі жеткіншек мерт болды

Алматыда ұрланған мопедпен екі жеткіншек мерт болды, - деп хабарлайды СТВ арнасындағы "Территория происшествий" бағдарламасының тілшісі.

Оқиға әл-Фараби даңғылындағы Бағанашыл ауылына бұрылатын көшеде болған. Тілшінің ақпаратына қарағанда, кәмелетке толмаған екі жеткіншек даңғылмен шығыс жаққа қозғалып келе жатқан. Мопедтің басқаруын меңгере алмаған олар жол қозғалысын бөліп тұратын қоршауға соғылып,  екеуі де оқиға болған жерде мерт болған.

Кәмелетке толмаған жастар мопедті ұрлап, жасырынып кеткілері келген деп болжануда.