Алматыда үш автомобиль соғысып, жаяу жүргінші жарақат алды

"Территория происшествий"

Алматыда үш автомобиль соғысып, жаяу жүргінші жарақат алды, - деп хабарлайды СТВ арнасының "Территория происшествий" бағдарламасы. Жол-көлік оқиғасы өткен түнде болды.

Куәгерлердің айтуынша, Lexus және Toyota Camry автомобильдері Құлжа тас жолымен солтүстік бағытта келе жатқан. Жаяу жүргінші жолында әйел адамды өткізу үшін екі көлік те тоқтайды, ал арттарында келе жатқан Volkswagen Jetta тоқтап үлгермей, алдағы екі көлікті бірдей соғады. Соққыдан көліктердің бірі әйелді қаққан. Жедел жәрдем бригадасы жол-көлік оқиғасы болған жерге келіп, зардап шеккен әйелді облыстық ауруханаға жеткізді. Полиция оқиғаның мән-жайын анықтап жатыр.