Алматыда үш үй өртенді

Алматыдағы үш үйден өрт шықты, - деп хабарлайды Tengrinews.kz тілшісі қалалық төтенше жағдайлар департаментіне сілтеме жасап.

ТЖД мәліметі бойынша, жалпы ауданы 395 шаршы метр болатын үш жеке тұрғын үй мен ауладағы құрылыстар жанған.

Оқиға болған жерден фото мен видеоларды редакцияға куәгерлер жіберді.

Құрбандар мен зардап шеккендер жоқ. Өрт себебі анықталып жатыр.

ТЖД өкілдері өрт сөндірілгенін айтты.

Оқиға орнында ТЖД-ның 44 қызметкері мен 18 техника және Алмалы аудандық полиция басқармасының 13 қызметкері мен 4 бірлік техникасы жұмыс істеді.

 Суреттерді "Территория происшествий" бағдарламасының тілшісі түсірген.