Алматыда ВАЗ жүргізушісі мен жолаушысы жол апаты болған жерден қашып кетті

Алматыда жол апатынан бір адам зардап шекті, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол апаты Фурманов пен Гоголь көшелерінің қиылысында болған. Куәгерлердің және Hyundai Accent жүргізушісінің айтуынша, ол Фурманов көшесімен солтүстік бағытта кетіп бара жатқан. Жол қиылысын өте бергенде "ВАЗ-2109" автокөлігі бар жылдамдығымен келіп соққан. Куәгерлер жол апаты болғаннан кейін "ВАЗ-2109" жүргізушісі мен жолаушысының оқиға орнынан қашып кеткенін айтады. Жол-көлік оқиғасынан Hyundai Accent жүргізушісі зардап шекті. Ер адам ауруханаға барудан бас тартты. Полиция осы жол апатының мән-жайын анықтап жатыр. 

© "Территория происшествий" бағдарламасы