Алматыда жерасты паркингінде тұрған спорткар өртеніп кетті

Алматыда жерасты көлік паркингінде тұрған спорткар өртеніп кетті, - деп хабарлайды "СТВ" телеарнасындағы "Территория происшествий" бағдарламасының тілшісі.

Алматы қаласының Бостандық ауданында "Мирас" ықшамауданында паркингте FIAT спорттық автокөлігі өртеніп кеткен. Оқиға орнында Алматы қаласының ТЖД арнайы екі техникасы жүмыс істеген. Зардап шеккендер жоқ. Аталған үйдің күзетшілері бұл автомобильдің қай уақытта және қалай осы жерде тұраққа қойылғанын білмейді. Көліктің алдыңғы бөлігі қатты соққы алған. Алдын ала мәліметтер бойынша, көлікті біреулер соғып, сол жердегі тұраққа жасырып қойған.