Алматыда жоғалып кеткен оқушы қыз табылды

Полиция 19 қазанда жоғалып кеткен қыз баланы тауып, ата-анасына қайтарды, - деп хабарлайды Tengrinews.kz  тілшісі Алматының жергілікті полиция қызметінің баспасөз қызметіне сілтеме жасап. 

"Ағымдағы жылдың 19 қазанында жоғалып кеткен Александра Щербакова табылды. 14 жастағы қызды өткен кеште Жетісу аудандық криминалдық және ювеналды полиция қызметкерлері тапты. Қыз бала Алматы облысы, Іле ауданындағы өзінің құрбысының үйінде қонақта жүрген. Кәмелетке толмаған қыз ата-анасына қайтарылды", - деп хабарлады Алматы ІІД-нің жергілікті полиция бөлімшесінің бастығы Ләйла Әліпбаева.

Мұның алдында 16 қазаннан бері қымбат фотоаппартымен жоғалып кеткен 22 жастағы жігіттің іздестіріліп жатқаны хабарланған еді.