Алматыда жоғалып кеткен "Томирис" фильмінің продюсері табылды

Алматы полицейлері "Томирис" фильмінің продюсері Анна Чакиртованы тапты, - деп хабарлайды Tengrinews.kz тілшісі.

"Қажетті кешенді шаралар жүргізілді. Анна табылды, байланысқа шықты. Саяжайда болған, аман-есен. Іздестіру шаралары тоқтатылды", - деп хабарлады Алматы қалалық ІІД ресми өкілі Салтанат Әзірбек. 

ІІД өкілінің мәліметінше, продюсердің үйден кетіп қалу себебі белгісіз.

Еске сала кетейік, Анна Чакиртова үйден 2 шілдеде шамамен сағат 21.20-да шығып кеткен. Сол күйі оны ешкім көрмеген. Күйеуінің айтуынша, осыған дейін мұндай жағдай болған емес.