Алматыда жол апаты салдарынан мопед жүргізушісі қаза тапты

Алматыда жол апаты салдарынан мопед жүргізушісі қаза тапты, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол-көлік оқиғасы Райымбек даңғылының бойында шығыс бағытта болған. Куәгерлердің айтуынша, Beiben North Benz маркалы жүк көлігі даңғыл бойымен шығыс бағытта кетіп бара жатып, кішігірім бұрылыста құрылыс алаңына оңға бұрылмақшы болған. Осы кезде бар жылдамдығымен мопед жүргізушісі жүк көлігінің дөңгелегіне соқтығысады. Ол алған жарақатынан жедел жәрдем келгенге дейін қайтыс болды.

Қалалық полиция өкілдері оқиғаның мән-жайын анықтап жатыр