Алматыда жол-көлік оқиғасы салдарынан автомобиль көпірден өзенге құлап кетті

Алматыда көпірден құлаған автокөліктің ішіндегі төрт адам зардап шекті, - деп хабарлайды СТВ телеарнасындағы "Территория происшествий" бағдарламасының тілшісі. 

Жол-көлік оқиғасы Сәтпаев көшесінің бойында болды. Куәгерлердің айтуынша, екі Toyota автокөлігі Есентай өзені арқылы өтетін көпірде соқтығысқан, олардың бірі көпір қоршауын бұзып, өзенге құлаған.

Оқиға салдарынан өзенге түсіп кеткен Toyota көлігіндегі төрт адам зардап шекті, олардың үшеуі ауыр жағдайда ауруханаға жеткізілді. Апаттың мән-жайы анықталып жатыр. 

© "Территория происшествий" бағдарламасы