Алматыда жол талғамайтын көлік аударылып кетті

Алматыда жол апатынан жол талғамайтын көлік аударылып кетті, - деп хабарлайды СТВ телеарнасындағы  "Территория происшествий" бағдарламасының тілшісі.

Жол-көлік оқиғасы Сүйінбай көшесінде Бекмаханов көшесінен жоғары жақта болған.

Audi көлігі Сүйінбай көшесімен оңтүстік бағытта, ал Nissan көлігі осы көшемен солтүстік бағытта келе жатқан. 

Жол апаты салдарынан Nisssan Audi көлігінің бір жақ шетін соғып кетіп, артынша аударылып кеткен.

Жол-көлік оқиғасынан Audi көлігінің екі адамы зардап шекті - әйел мен шамамен 10 жастағы бала. Олар түрлі жарақаттармен ауруханаға жеткізілді.

Полиция оқиғаның мән-жайын анықтап жатыр.