Алматыда жол жүріп келе жатқан көлік түгі қалмай өртеніп кетті

Алматыда Hyundai Sonata автокөлігі өртеніп кетті, - деп хабарлайды СТВ арнасындағы "Территория происшествий" бағдарламасының тілшісі.

Оқиға Рысқұлов даңғылы мен Бөкейханов көшесінің бойында болды. Куәгердің айтуынша, көлік жүріп бара жатқан жерінде жана бастаған, ал жүргізуші қашып үлгерген. Абырой болғанда, ешкім зардап шекпеді. 

© СТВ арнасындағы "Территория происшествий" бағдарламасы

"Өрттің себебін Жетісу ауданы ТЖД өкілдері анықтап жатыр. Оқиға орнында бір өрт сөндіру қызметі жұмыс істеді", - деп хабарлады тілші.