Алматыда жолда өртенген жүк көлігін куәгерлер видеоға түсіріп алды

Куәгер жіберген сурет

Алматыда жүріп келе жатқан жүк көлігі өртеніп кетті, - деп хабарлайды Tengrinews.kz.

Оқиға туралы куәгер хабарлаған. ҚР ІІМ Төтенше жағдайлар комитетінің ресми өкілі Руслан Иманқұлов бұл оқиғаны растады. Төтенше жағдай Қапшағай тас жолына шығатын бағытта Жетісу ауданында сағат 13.00-де болған.

"MAN жүк көлігінің мотор бөлігінен өрт шыққан. Аумағы 0,7 шаршы метр. Зардап шеккендер жоқ. Өрт біздің күшімізбен, Алматы қалалық ТЖД апатты-құтқару өрт сөндіру қызметінің көмегімен сөндірілді. Оқиға орнына екі арнайы техника және жеке құрамның тоғыз адамы жұмылдырылған", - деді Иманқұлов.