Алматыда жолдың рұқсат етілмеген тұсынан өтпек болған қызды көлік қағып кетті

Алматыда жол апатынан жаяу жүргінші қыз қаза болды, - деп хабарлайды СТВ телеарнасының "Территория происшествий" бағдарламасының тілшісі.

Жол-көлік оқиғасы Солтүстік айналымда, "Айнабұлақ" ықшамауданының бұрылысына жетер тұста болған. Куәгерлердің айтуынша, қыз жолдың рұқсат етілмеген тұсынан өтпек болған да, оны Hyundai маркалы көлік соғып кеткен.

Көлік Солтүстік айналымда солтүстікке қарай жүріп келе жатқан. Жол-көлік оқиғасынан алған жарақатынан қыз оқиға орнында қаза тапты. Ол шамамен 20-25 жас аралығында.

© "Территория происшествий"