Алматыда жүк көлігі бетон араластыратын көлікті соқты

Алматыда жүк көлігі бетон араластыратын көлікке соқтығысты. Жүргізуші таңғаларлық жағдайда аман қалды, - деп хабарлайды "СТВ" телеарнасындағы "Территория происшествий" бағдарламасының тілшісі.

Жол апаты 29 қаңтарда күндізгі уақытта Райымбек даңғылының бойында болды. Куәгерлердің айтуынша, бетон араластыратын көлік шығыс бағытта кетіп бара жатып, Әшімов көшесіне жетпей солға бұрылмақ болған. Алайда жүргізуші бұрылысқа сыймай қалып артқа беруге мәжбүр болған. Осы кезде шығыс бағытта кетіп бара жатқан тағы бір жүк көлігі әрекет етіп үлгермей, бетон араластыратын көлікті соққан. 

Оқиға орнына жеткен дәрігерлер КамАЗ жүргізушісін қарап шыққан. Ол ауруханаға жатудан бас тартты. Оқиғаның мән-жайын полицейлер анықтайтын болады. 

Суреттер "Территория происшествий" бағдарламасынан