Алматыда жүргізуші әйел екі сағат бойы полицейлермен дауласқан

Алматыда жол инспекторлары екі сағаттан аса уақыт бойы жүргізуші әйелге оның қарсы жолаққа шығып кеткенін дәлелдемек болды. Бұл туралы "Дорожный патруль" басылымының сюжетінде айтылады.

Полицейлер видеотіркеу құрылғысының камерасына ереже бұзушылықты жазып алған. Алайда жүргізуші әйел кінәсін мүлде мойындамаған. Әйелдің айтуынша, оның бұл әрекетіне автобус жүргізушісі кінәлі.

Соңында видеоның басты кейіпкері жүрегінің нашарлағанын және оны ауруханаға жеткізу керектігін айтқан. Алайда дәрігерлердің тексерісінен кейін және хаттама толтырылғаннан кейін ол рөлге қайта отырып, оқиға орнынан кетіп қалады.