Алматыдағы әл-Фараби даңғылының бойында жол апатынан үш адам зардап шекті

Алматыда әл-Фараби даңғылының бойында жол-көлік оқиғасынан адамдар зардап шекті, - деп хабарлайды "СТВ" телеарнасындағы "Территория происшествий" бағдарламасының тілшісі.

Куәгерлердің айтуынша, Volkswagen көлігі жолаушыларын жолда түсіріп кету үшін шетке қарай шыға бастағанда жол апаты болған. Оны қоғамдық көлікке арналған жолда келе жатқан Lexus автомобилі соққан. Екі көлік те батыс бағытта кетіп бара жатқан. Соққыдан көліктер ұшып кетіп, Lexus жол талғамайтын көлігі арыққа түсіп кеткен. 

Жол-көлік оқиғасы салдарынан үш адам зардап шекті - Volkswagen жүргізушісі және екі жолаушысы. Олар ауруханаға жеткізілді.