Алматыдағы аудандардың бірінде атыс болды

Алматыдағы аудандардың бірінде атыс болды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

Полиция мәліметінше, оқиға 12 желтоқсанға қараған түні Алмалы ауданында болды. "Белгісіз біреулердің қару қолдануы салдарынан оқиғаға қатысушылардың бірі жараланды. Медициналық тексерістен кейін ер адам ауруханаға жатуға мәжбүр болмады. Қаза тапқандар жоқ. Қазір атысқа қатысқандар анықталды. Оларды ұстау шаралары қабылданды", - деді Алмалы аудандық ІІБ басшысы.

Осы дерек сотқа дейінгі тергеудің бірыңғай реестрінде "Бұзақылық" бабы бойынша тіркеуге алынды. Оқиғаның мән-жайы анықталып жатыр.