Алматыдағы автобустарға арналған арнайы жолақта ірі жол апаты болды

Алматыдағы автобустарға арналған арнайы жолақта ірі жол апаты болды, - деп хабарлайды Motor.kz.

Үш көліктің соқтығысқан сәті куәгердің видеотіркегішіне түсіп қалды. Жазбадан оқиғаның 31 тамыз күні сағат 20.05-те болғаны байқалады, Mitsubishi Carisma автокөлігінің жүргізушісі арнайы жолақтағы рұқсат етілген жермен оңға қарай бұрылмақшы болған сәтте Mercedes-Benz W220 автокөлігі сол жолақпен жүріп келе жатқан. Соның салдарынан көліктер қатты соқтығысып, Mercedes сол жаққа қарай аударылып қалды, ал жапондық жеңіл автокөлік бұрылып, артқы жақ бөлігімен жолдың шетінде тұрған көлікке соғылды. Жол апатының салдарынан зардап шеккен адамдар туралы мәлімет жоқ.