Алматыдағы көтерме сауда базарында болған өрт сөндірілді

Алматыдағы Розыбакиев пен Райымбек батыр көшелерінің қиылысында орналасқан көтерме сауда базарында болған өрт сөндірілді, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.

Бутиктен шыққан өрт жайлы хабар "101" қызметіне сағат 06.51-де түскен. "Оқиға орнынан мынадай хабар келіп түсті: "Жұлдыз Сауда" ЖШС базарының аумағындағы павильондардан өрт шықты, аумағы 300 шаршы метр, тілсіз жау сағат 07.40-та ауыздықталды, өрт сөндіру қызметінің шұғыл әрекеттерімен сағат 08.00-де сөндірілді. Зардап шеккендер мен қаза тапқандар жоқ. Өрттің шығу себептері анықталып жатыр", - деп хабарлады ТЖД мамандары.

© "Территория происшествий".