Алматыдағы "Тастақ" ықшамауданында төрт автомобиль өртеніп кетті

Алматы қаласының Алмалы ауданының "Тастақ" ықшамауданында төрт автомобиль өртеніп кетті, - деп хабарлайды СТВ телеарнасының "Территория происшестивий" бағдарламасының тілшісі.

Mitsubishi Pajero, Lada Samara, Honda CR-V және Chrysler 300 маркалы автокөліктері өртенді. Оқиға Дүйсенов көшесінде, Түркебаев көшесімен қиылысқан жерде орналасқан үйдің ауласында болды. Қаза тапқандар мен жарақат алғандар жоқ. Тілсіз жауды сөндіруге екі өрт сөндіру техникасы жұмылды.

Куәгерлердің айтуынша, үй ауласында Chrysler автомобилі өртене бастағанда бірнеше жігіт жанжалдасқан. Одан кейін от оның маңында тұрған көліктерге көшті.