Алматыдан 307 шақырымда жер сілкінісі болды

Алматыдан 307 шақырымда магнитудасы 4,6 болатын жер сілкінісі болды деп хабарлайды Tengrinews.kz ҚР БҒМ Ғылым комитетінің Сеймологиялық тәжірибе-әдістемелік экспедициясына сілтеме жасап.Жерасты дүмпулері 17 ақпан күні жергілікті уақыт бойынша сағат 11.01-де тіркелген. Тербелістің эпицентрі Алматы қаласынан оңтүстікке қарай 307 шақырымда - Қытай аумағында анықталды. Зардап шеккендер мен қираған нысандар туралы ақпарат жоқ.Еске сала кетейік, бір күн бұрын магнитудасы 4,6 болатын жер сілкінісі Алматыдан 100 шақырым қашықтықта тіркелген еді. Жерасты дүмпуі 10 шақырым тереңдікте болған.ҚР Төтенше жағдайлар министрлігі жария еткен болжау комиссияларының мәліметінше, ақпанның 19-ына дейінгі аралықта Алматы полигоны аумағында қуатты жер сілкінісі болмайды.