Алматыдан 340 шақырымда жер сілкінді

Алматының оңтүстік шығысында 342 шақырым қашықтықта 14 қазанда Астана уақытымен 03.43-те магнитудасы 4,8 болатын жер сілкінісі тіркелді, - деп хабарлайды Tengrinews.kz Еуропа - Жерорта теңізі сейсмологиялық орталығына сілтеме жасап.  

Жер сілкінісі Қытай аумағында болды. Жерасты дүмпулері 1 шақырым тереңдікте. Эпицентрі қытайлық Ақсудың батысында 27 шақырым қашықтықта және Қаракөлдің (Қырғызстан) оңтүстік шығысында 199 шақырым қашықтықта болған. 

Зілзаланың адамдар мен ғимараттарға, басқа да нысандарға әсері туралы мәлімет жоқ.