Алматыдан 95 шақырымда жер сілкінісі болды

Алматыдан 95 шақырым қашықтықта магнитудасы 4,2-ге тең жер сілкінісі болды, - деп хабарлайды Тengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап. 

Жер сілкінісі 10 наурыз күні Астана уақыты бойынша сағат 10.52-де тіркелді. Оның эпицентрі Алматыдан оңтүстік-шығысқа қарай 95 шақырымда - Қазақстан аумағында болды. Энергетикалық класы - 9,2-ге тең. Жерасты дүмпулерінің ошағы 10 шақырым тереңдіктен анықталды. Жер сілкінісінің сезілгені туралы мәлімет жоқ.

Еске салайық, мұның алдында - 9 наурыз күні Алматыдан шығысқа қарай 388 шақырымда магнитудасы 3,5-ке тең жер сілкінісі болды, оның эпицентрі Қытай аумағынан анықталды. Сондай-ақ, 9 наурыз күні Алматыдан 290 шақырым қашықтықта магнитудасы 4,3-ке тең жер сілкінісі тіркелді. Жер сілкінісінің эпицентрі Қырғызстан аумағында болған. Зардап шеккендер мен қираған нысандар туралы мәлімет жоқ.