+7 (777) 001 44 99
Қазақша
Русский
English
25 желтоқсан 2021 | 13:29
Алматы-Қорғас тасжолында 17 көлік апатқа ұшырады
Алматы - Қорғас тасжолында 17 көлік апатқа ұшырады. Желіде ірі жол-көлік оқиғасының видеосы тарады, - деп хабарлайды Tengrinews.kz тілшісі.
ПОДЕЛИТЬСЯ
Алматы - Қорғас тасжолында 17 көлік апатқа ұшырады. Желіде ірі жол-көлік оқиғасының видеосы тарады, - деп хабарлайды Tengrinews.kz тілшісі.
Аймақ полициясының мәліметінше, жол апаты Алматы - Қорғас автожолының 134-шақырымында сағат шамамен 10.00-де болған.
"Қалың тұманның салдарынан 17 автокөлік жол апатына ұшырады. Бес адам зардап шекті, олар Шелек ауылының аймақтық ауруханасына жеткізілді. Оқиға орнында патрульдік полиция жасақтары жұмыс істеп жатыр. 84-тен 136-шақырымға дейінгі автожол учаскесі жабылды", - деп хабарлады ПД баспасөз қызметіндегілер.
"Құрметті жүргізушілер, сіздерден қозғалыс кезінде барынша мұқият және сақ болуды сұраймыз! Жылдамдық режимін, қауіпсіз қашықтықты және маневр жасау ережелерін мүлтіксіз сақтаңыз!" - деді полиция өкілдері қазақстандықтарға.
Алматы облысы ТЖД баспасөз қызметінің мәліметінше, 2021 жылдың 25 желтоқсанында сағат 12.00-ден бастап тұман мен нөлдік көрінуге байланысты республикалық маңызы бар Алматы - Қорғас жолында (24-140-шақырым, Арман кенті - Шелек ауылы) барлық автокөлік түрі үшін қозғалыс жабылды.
Бұған дейін Алматы облысында ауа райының қолайсыздығына байланысты (боран, көрімділіктің төмендеуі) 25 желтоқсанда сағат 9.30-дан бастап Үшарал - Достық автожолының 83-184-шақырымында, Көктума станциясы - Достық станциясы учаскесінде (жөнделіп жатыр) автокөліктің барлық түрі үшін қозғалыс шектелгені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
