Алматы облысында автожолда көкпар тартқандар жазаланды

Алматы облысы Қарасай ауданындағы автожол бойында көкпар тартқан бір топ адам видеоға түсіп қалған, - деп хабарлайды Polisia.kz.

Бейнежазбада 20-30 адам жол қауіпсіздігі мен қоғамдық тәртіпті өрескел бұза отырып, Алматы – Бішкек автожолы бойындағы Қарасай ауданының Бұлақты ауылының маңында рұқсатсыз көкпар тартқан.

Полиция қабылдаған шаралар нәтижесінде көкпар тартқан Бұлақты кентінің сегіз жергілікті тұрғыны ұсталды. Барлық тұрғын ҚР Әкімшілік құқық бұзушылық туралы кодекстің 434-бабының 1-бөлігі бойынша ("Ұсақ бұзақылық") әкімшілік жауапкершілікке тартылды.

Қазақстан жаңалықтары. Соңғы жаңалықтар. Telegram желісінде бізге жазыл!