Алматы облысында жасөспірім телефонын қуаттаймын деп қайтыс болды

Алматы облысы Қарғалы ауылында 15 жастағы қыз телефонын қуаттаған кезде тоқ соғып, көз жұмды, - деп хабарлайды Tengrinews.kz тілшісі облыстық полиция департаментінің баспасөз қызметіне сілтеме жасап. 

Қайғылы оқиға 26 қыркүйек, кешкі сағат 22.00-де Жамбыл ауданында болған.

"Электр тогының соғуы салдарынан 15 жастағы жергілікті тұрғын қайтыс болды. Алдын ала дерек бойынша қыз телефонын қуаттап жатқан. Алайда кейін оны ток соққан", - делінген хабарламада.

Бұл факт бойынша қылмыстық іс қозғалып, сот-медицина сараптамасы тағайындалыпты.

Қазақстан жаңалықтары. Соңғы жаңалықтар. Telegram желісінде бізге жазыл!