Алматы облысында жол апатынан 4 адам зардап шекті

Алматы облысында жеңіл автомобиль мен жүк көлігі соқтығысып, 4 адам зардап шекті, - деп хабарлайды Tengrinews.kz тілшісі. 

Облыстық полиция департаменті жол апаты 6 тамызда болғанын атап өтті.

"Алдын ала мәліметке сәйкес, Mitsubishi Outlander көлігінің 2001 жылы туған жүргізушісі Алматы - Өскемен жолының оңтүстік бағытында кетіп бара жатқан. Алайда ол көлік тізгініне ие бола алмай, МАН маркалы жүк көлігіне соғылған", - дейді облыстық полиция департаментінің баспасөз қызметі.

Жол апаты салдарынан жеңіл автомобильдің жүргізушісі мен ондағы 3 жолаушы зардап шеккен.

"Қазіргі таңда оқиға орнында жедел-тергеу тобы жұмыс істеп жатыр. Жол апатының нақты неден болғаны анықталады", - дейді облыстық полиция департаментінің баспасөз қызметі.

Қазақстан жаңалықтары. Соңғы жаңалықтар. Telegram желісінде бізге жазыл!