Алматы облысында жол апатынан ер адам қаза тапты

Алматы облысында жол апатынан ер адам көз жұмды, - деп хабарлайды Tengrinews.kz тілшісі Алматы облыстық полиция департаментінің баспасөз қызметіне сілтеме жасап. 

Қайғылы оқиға 28 тамызда сағат 06.40-та Алматы-Көкпек-Көктал жолының 65-ші шақырымында болған.

"Mitsubishi Galant жүргізушісі шығыс бағыттағы тас жолда келе жатқан. Көлігін басқара алмай қалған ол қарсы бетке шығып кетіп, 41 жастағы жүргізуші айдап келе жатқан Mercedes-Benz Sprinter-ге алдымен соғылған", - деп түсіндірді аймақ полициясы.

26 жастағы Mitsubishi Galant жүргізушісі оқиға болған жерде көз жұмды. Сондай-ақ, 45 жастағы жолаушы түрлі жарақат алып, ауруханаға түсті.

Қылмыстық кодекстің 345-бабы, 3-бөлігі "Абайсызда адам өліміне әкеп соққан жол қозғалысы ережелерін бұзу" бойынша қылмыстық іс қозғалды.

Қазақстан жаңалықтары. Соңғы жаңалықтар. Telegram желісінде бізге жазыл!