Алматы облысында көпірде BMW көлігі аударылып қалды

BMW көлігі Алматы облысындағы көпірге шығар жолда аударылып қалды. Бұл туралы облыстық Полиция департаментінің баспасөз қызметі хабарлады, - деп хабарлайды Tengrinews.kz тілшісі.

Жол апаты 2 ақпанда сағат 6.00 шамасында Алматы-Бішкек автожолының 18-шақырымында болған.

"Көпірге көтеріліп келе жатқан BMW автокөлігінің жүргізушісі рөлді басқара алмай қалған және металл қоршауға соғылған. Кейін көлік аударылып қалған. Жол апатынан зардап шеккен жүргізуші мен оның екі жолаушысы Қаскелең ауруханасына жатқызылған. Дәрігерлік тексеруден кейін зардап шеккендердің екеуін амбулаториялық ем алуға жіберді", - деді полициядағылар.

ЖКО дерегі ҚР ӘҚБтК-нің 610-бабы бойынша тіркелген.

Назар аударыңыз! Видеода былапыт сөз айтылған!

Сілтемесіз жаңалық оқисыз ба? Онда Telegram желісінде парақшамызға тіркеліңіз!